سیلاب زدگان کی امداد کیلئے خصوصی میوزیکل شو،عارف لوہار، علی ظفرسمیت دیگر گلوکاروں نےخوب سر بکھیرے

لاہور: صوبائی دارالحکومت لاہور میں سیلاب زدگان کی امداد کیلئے خصوصی میوزیکل شو کا انعقاد کیا گیا جس میں  عارف لوہار،علی ظفر، نوری بینڈ اور گلوکارہ نتاشہ سمیت دیگر گلوکاروں نےخوب سر بکھیرے جس میں عوام کی کثیر تعداد شریک ہوئیں۔

تفصیلات کے مطابق الحمرا کلچرل کمپلیکس لاہور میں منعقدہ میوزک شو میں گلوکارہ عارف لوہار، علی ظفر نتاشہ اور نوری بینڈ نے شاندار پرفارمنس کا مظاہرہ کیا۔

میوزیکل شو میں پنجاب دھرتی کی آواز عارف لوہار نے روایتی انداز میں پنجابی گیتوں کے ذریعے حاضرین کو جھومنے پر مجبور کر دیا جبکہ گلوکارعلی ظفر نے شہرہ آفاق گیتوں کے ذریعے  خوب سر بکھیرے جس کو حاضرین کی جانب سے خوب پذیرائی ملی۔

میوزیکل شو کو دیکھنے کیلئے عوام کی بڑی تعداد موجود تھی اور اس شو کی تمام تر آمدن سیلاب زدگان کی امداد میں دی جائے گی۔