مریم نواز کے بیان کیخلاف پیپلز پارٹی کا قومی اسمبلی میں احتجاج ، اجلاس سے واک آؤٹ

اسلام آباد: وزیراعلیٰ پنجاب مریم نواز شریف کے بیان کے خلاف حکومتی اتحادی جماعت پاکستان پیپلز پارٹی نے قومی اسمبلی کے اجلاس سے ایک بار پھر واک آؤٹ کر دیا۔

تفصیلات کے مطابق پیپلز پارٹی کے رہنما نوید قمر نے کہا کہ اسمبلی میں احتجاج کے بعد حکومتی ٹیم سے ہمارے مذاکرات ہوئے، آن گراؤنڈ حالات جوں کے توں ہیں اور کوئی تبدیلی نہیں آئی، اس وقت اس ایوان کا حصہ نہیں بن سکتے جب تک حالات تبدیل نہیں ہوتے۔

اس موقع پر پی پی کے ارکان ایوان سے باہر چلے گئے تاہم حکومتی ارکان پیپلز پارٹی کے رہنماؤں کو منا کر واپس اسمبلی میں لے آئے۔

خیال رہے کہ گزشتہ روز بھی مریم نواز نے لاہور میں ایک تقریب سے خطاب کرتے ہوئے کہا تھا اگر کوئی پنجاب کے خلاف بات کرے گا تو بطور وزیر اعلیٰ خاموش نہیں بیٹھوں گی۔