کاروباری ہفتے کے آخری روز فی تولہ سونا کتنا مہنگا ہوا؟

کراچی: کاروباری ہفتے کے آخری روز عالمی و مقامی مارکیٹوں میںسونے کی قیمتوں میں استحکام رہا۔

آل پاکستان جیمز اینڈ جیولرز ایسوسی ایشن کے مطابق آج جمعے کے روز مقامی مارکیٹوں میں سونے کی فی تولہ قیمت میں کوئی تبدیلی نہیں ریکارڈ کی گئی ہے اور سونااپنی کل والی قیمت پر مستحکم ہے۔

ایسوسی ایشن کے مطابق آج سونے کے نرخ میں کوئی ردو بدل نہیں ہوا، پاکستان میں فی تولہ نرخ 4 لاکھ 7 ہزار 778 روپے کی قیمت پر برقرار ہے۔

دوسری جانب عالمی بلین مارکیٹ میں بھی فی اونس سونے کے نرخ 3 ہزار 865 ڈالر پر مستحکم ہیں۔ واضح رہے کہ گزشتہ روز عالمی و مقامی گولڈ مارکیٹس میں سونے کی قیمت بلند ترین سطح سے نیچے آگئیں۔

خیال رہے کہ گزشتہ روز پاکستان میں سونا 2500 روپے سستا ہو ا ہے جس کے بعد سو نے کی نئی قیمت 4 لاکھ 7 ہزار 778 روپے ہو گئی ہے۔

اسی طرح10 گرام سونے کی قیمت میںبھی 2144 روپے کی کمی ہوئی ہے جس کے بعد قیمت 3 لاکھ 49 ہزار 603 روپے کی سطح پر پہنچ گئی۔