اسحاق ڈار کا اردن کے وزیر خارجہ سے رابطہ،سینیٹرمشتاق کی رہائی اور واپسی میں تعاون کو سراہا

اسلام آباد: وزیر خارجہ و نائب وزیراعظم اسحاق ڈار اوراردن کے نائب وزیراعظم و وزیر خارجہ ایمن الصفدی سے ٹیلفونک رابطہ ہوا ہے۔

ترجمان دفتر خارجہ کے مطابق نائب وزیراعظم ووزیر خارجہ نے گلوبل صمود فلوٹیلا کے رہائی پانے والے قیدیوں کو وصول کرنے اور ان کی وطن واپسی میں سہولت فراہم کرنے میں اردن کے کردار کو سراہا۔

ترجمان کے مطاق انہوں نے سابق سینیٹر مشتاق احمد خان کی عمان واپسی کے لیے اردن کی مدد پر بھی شکریہ ادا کیا، جو کل پاکستان پہنچ رہے ہیں۔

ترجمان دفتر خارجہ کے مطابق ٹیلی فونک رابطے میں دونوں رہنماؤں نے پاکستان اور اردن کے تعلقات کو مزید مستحکم کرنے کے لیے اپنے عزم کا اعادہ کیا اور علاقائی امن و استحکام کے لیے اعلیٰ سطحی تعاون جاری رکھنے پر اتفاق کیا۔