نوازشریف غدارہیں یانہیں فیصلہ عوام کریں گے :فواد چودھری

تفصیلات کے مطابق وزیر اطلاعات فواد چوہدری اور میشر احتساب شہزاداکبر کا میڈیا سے گفتگو کرتے ہوئے کہنا تھا کہ نواز شریف نے ایسے شخص سے ملاقات کی جس کے تعلقات بھارت سے ڈھکے چھپے نہیں، محب  اور امراللہ صالح پاکستان کیخلاف بدزبانی کرتے رہے۔ امراللہ صالح نے پاکستان کو ہر معاملے میں گھسیٹنے کا وطیرہ بنا لیا تھا جسکی وجہ ہم نے یہ بات واضح کی ہوئی تھی کہ ان صاحبان سے  کوئی گفتگو نہیں کی جائے گی۔

فواد چوہدری کا مزید کہنا تھا کہ 6ہزار سے زائد افغان طالب علم پاکستان کے کالجز، یونیورسٹیوں میں پڑھ رہے ہیں، ہم نے افغانستان کے لوگوں کے لیے بہت سی قربانیاں دی ہیں۔

دوسری جانب وزیر اعظم کے مشیر احتساب و داخلہ شہزاد اکبر کاکہنا تھا کہ وزیراعظم عمران خان کے فون کو بھی ہیک کرنے کی کوشش کی گئی،پاکستان اسپائے ویئر سے متعلق تحقیقات کرے گا،پاکستان میں یہ تحقیقات انٹرایجنسیز سطح پر ہوں گی،تحقیقاتی کمیٹی میں ایف آئی اے،دفترخارجہ اور دیگر ادارے ہوں گے،پاکستان یہ معاملہ اقوام متحدہ میں بھی اٹھائےگا۔