بھارتی اداکارہ یاشیکا آنند کار حادثے میں شدید زخمی ہوگئیں

غیر ملکی خبر رساں ادارے کے مطابق اداکارہ جو بگ باس تامل  کی سابقہ   کنٹسٹنٹ تھیں،  اپنے دوستوں کے ہمراہ کار میں سفر کررہی تھیں جب مہابالی پورم کے علاقے کے قریب گاڑی کوحادثہ پیش آیا۔

اطلاعات کے مطابق  اداکارہ یاشیکا کی گاڑی  بل کھاتے ہوئے  قریب ہی سڑک کے ایک گڑھے میں گر گئی۔ بدقسمتی سے   اس کی ایک دوست موقع پر ہی دم توڑ گئی جبکہ یاشیکا شدید زخمی ہوگئیں۔حادثے کا سبب تیز رفتاری بتائی جاتی ہے۔

یاشیکا آنند کیولائی وینڈم ، نوٹا اور دھرووانگل پاٹھینارو جیسی فلموں میں سپورٹنگ  رولز کی وجہ سے  شہرت حاصل  کی۔اداکارہ  بگ باس تامل سیزن 2 کی ایک  کنٹسٹنٹ تھیں ، جس کی میزبانی کمال ہاسن نے کی تھی۔