رہنما پی ٹی آئی سلمان اکرم راجہ کی ساتھیوں سمیت ہسپتال آمد، شاہ محمود قریشی کی عیادت کی

لاہور:پاکستان تحریک انصاف ( پی ٹی آئی ) کے مرکزی جنرل سیکرٹری سلمان اکرم راجہ نے ہسپتال میں شاہ محمود قریشی کی عیادت کی اور اُن سے اہم ملاقات کی ہے۔

تفصیلات کے مطابق پاکستان تحریک انصاف کے وائس چیئرمین شاہ محمود قریشی کی ہسپتال منتقلی اور علاج کے معاملے پر پی ٹی آئی کے مرکزی جنرل سیکرٹری سلمان اکرام راجہ عیادت کے لیے پہنچے،اُنہوں نے شاہ محمود قریشی سے ہسپتال میں ملاقات اور خیریت دریافت کی۔

اس موقع پر شوکت بسرا اور ظہیر بابر موجود تھے، دوران ملاقات وائس چیئرمین پی ٹی آئی سےے موجودہ سیاسی صورتحال پر تبادلہ خیال بھی کیا گیا۔

واضح رہے کہ چند روز قبل پاکستان تحریک انصاف کے سابق رہنماؤں فواد چودھری، محمود مولوی، عمران اسماعیل سمیت دیگر نے بھی ہسپتال میں شاہ محمود قریشی سے ملاقات کی تھی۔