سونے کی قیمت میں نمایاں کمی، فی تولہ سونا کتنے کا ہو گیا؟

عالمی و مقامی مارکیٹ میں سونے کی فی تولہ قیمت میں نمایاں کمی ہو گئی۔

آل پاکستان جیمز اینڈ جیولرز کے مطابق سونے کی قیمت 3 ہزار 500 روپے کم ہوکر 4 لاکھ 20 ہزار 362 روپے فی تولہ ہو گئی۔

اس کے علاوہ 10 گرام سونے کا بھاؤ 3001 روپے کم ہوکر 3 لاکھ 60 ہزار 392 روپے ہے۔

عالمی مارکیٹ میں سونے کے نرخ میں 35 ڈالر کی کمی ہونے سے فی اونس سونے کے نرخ 3980 ڈالر کی سطح پر آ گئے ہیں۔

چاندی 130 روپے سستی ہونے سے فی تولہ قیمت 5022 روپے ہو گئی ہے۔