قومی بچت اسکیموں کے منافع کی شرخ میں تبدیلی کا اعلان، نوٹیفکیشن جاری

قومی بچت اسکیموں کے منافع میں ردوبدل کا اعلان کر دیا گیا، وزارتِ خزانہ نے اس حوالے سے باقاعدہ نوٹیفکیشن جاری کر دیا، بچت اسکیموں پر نئی شرح منافع 4 نومبرسے نافذ العمل ہوگی۔

نوٹیفکیشن کے مطابق اسپیشل سیونگ سرٹیفکیٹ کا منافع 11.60 فیصد تک بڑھا دیا گیا ہے ، ریگولر انکم سرٹیفکیٹ کی شرح منافع 10.92 فیصد مقرر کر دی گئی ہے۔ شارٹ ٹرم سیونگ سرٹیفکیٹ پر تین اور ایک سالہ منافع میں اضافہ کیا گیاہے ، تین ماہ کی مدت کا منافع 10.44 فیصد کر دیا گیا، ایک سالہ مدت پر منافع 10.64 فیصد مقرر کیا گیاہے ۔

ڈیفنس سیونگ سرٹیفکیٹ کے منافع میں واضح کمی کی گئی ہے ،  بہبود سیونگ سرٹیفکیٹ کی شرح 13.44 سے کم ہو کر 12.72 فیصد ہوگئی، پینشنرز بینیفٹ اکاؤنٹ کا منافع 12.72 فیصد مقرر کر دیا گیا ، شہدا فیملی ویلفیئر اکاؤنٹ کی شرح منافع میں 0.72 فیصد کمی کی گئی ہے ۔

سیونگ اکاؤنٹ کی شرح منافع 9.50 فیصد برقرار، سروا اسلامی ٹرم اکاؤنٹ کے تین اور پانچ سالہ منافع میں اضافہ کیا گیاہے ، ایک سالہ سروا اسلامی اکاؤنٹ کی شرح 9.92 فیصد برقرار ہے، سروا اسلامی سیونگ اکاؤنٹ میں کوئی تبدیلی نہیں کی گئی، بچت اسکیموں پر نئی شرح منافع 4 نومبرسے نافذ العمل ہوگی۔