’’یوں جو تکتا ہے آسمان کو تو ۔۔۔‘‘باغی اور روایت شکن شاعرجون ایلیا کو مداحوں سے بچھڑے  23 برس بیت گئے

ویب ڈیسک ر : اردو ادب کے ممتاز شاعر، ادیب اور دانشور جون ایلیا کو مداحوں سے بچھڑے23 برس کا عرصہ بیت گیا۔

نامور شاعر جون ایلیا 14 دسمبر 1931ء کو بھارت کے شہر امروہہ میں پیدا ہوئے اور انگریزی، عربی اور فارسی زبان پر مکمل عبور حاصل تھا۔ ان کی معروف تصانیف میں شاید، گویا، یعنی گمان، لیکن شامل ہیں۔

جون ایلیا نثر اور نظم دونوں میں اظہار کی مہارت رکھتے تھے اور غیر روایتی انداز کے سبب انہیں ایک باغی اور روایت شکن شاعر کے طور پر پہچانا جاتا ہے۔

ان کا پہلا شعری مجموعہ ’شاید‘ 1991ء میں شائع ہوا، جسے اردو ادب کا دیباچہ قرار دیا گیا۔ انہوں نے اپنی زندگی میں تقریباً پچاس ہزار اشعار کہے اور 60 سے زائد نایاب کتابوں کے ترجمے بھی کیے۔

جون  ایلیا کو معاشرے سے ہمیشہ یہ شکوہ رہا کہ شاعر کو اس کی زندگی میں وہ عزت و توقیر نہیں دی جاتی جس کا وہ حقدار ہے، زمانے میں الگ شناخت رکھنے والے جون ایلیا 8 نومبر 2002ء کو اس جہان فانی سے کوچ کرگئے۔

 آج بھی ان کے چاہنے والے سخی حسن قبرستان میں جا کر ان کی قبر پر خراج عقیدت پیش کر رہے ہیں۔