آرمی چیف اب چیف آف ڈیفنس فورسز بھی ہوں گے، عہدے کی مدت 5 سال ہوگی،آرمی ایکٹ ترمیمی بل

اسلام آباد:قومی اسمبلی نے27ویں آئینی ترمیم کے بعد آرمی ایکٹ2025کی منظوری دیدی،جس کے بعد آرمی چیف اب چیف آف ڈیفنس فورسز بھی ہونگے،عہدے کی مدت 5 سال ہوگی۔

تفصیلات کے مطابق قومی اسمبلی میں آرمی ایکٹ ترمیمی بل منظور کر لیا گیا ہے۔

اس حوالے سے وفاقی وزیر قانون اعظم نذیر تارڑ کا کہنا ہے کہ چیف آف ڈیفنس فورسز کا عہدہ تقرر سے 5سال کیلئے ہوگا،آرمی چیف کابطور چیف ڈیفنس فورسز نیانوٹی فکیشن جاری ہوگا،نئے نوٹی فکیشن کے بعد آرمی چیف کی مدت دوبارہ سے شرو ع ہوگی۔

وزیر قانون نے مزید کہا کہ آرمی ایکٹ کے مطابق آرمی چیف ،چیف آف ڈیفنس پاک فوج کے تمام شعبوں کی ری اسٹرکچرنگ اور انضمام کرینگے۔

جبکہ وزیراعظم آرمی چیف،چیف آف ڈیفنس کی سفارش پرکمانڈرنیشنل اسٹریٹیجک کمانڈ تعینات کرینگے،کمانڈرنیشنل اسٹریٹیجک کمانڈ کی مدت ملازمت 3سال ہوگی، آرمی ایکٹ کمانڈر نیشنل اسٹریٹیجک کمانڈکو3سال کیلئےدوبارہ تعینات کیاجاسکےگا۔