ٹرائی سیریز:زمبابوے نے پاکستان کو 148 رنز کا ہدف دے دیا

راولپنڈی: سہ ملکی سیریز کے پہلے میچ میں زمبابوے نے پاکستان کو 148 رنز کا ہدف دے دیا ہے۔

تفصیلات کے مطابق راولپنڈی کرکٹ اسٹیڈیم پر کھیلے جارہے میچ میں پاکستان نے ٹاس جیت کر پہلے زمبابوے کو بیٹنگ کی دعوت تھی۔

زمبابوے کی ٹیم مقررہ 20 اوورز میں 8 وکٹ پر 147 رنز تک محدود رہی اور پاکستان کےلیے 148 رنز کا ہدف سیٹ کیا۔

زمبابوبے کی جانب سے برائن بنیٹ 49 رنز کے ساتھ نمایاں بیٹر رہے جبکہ کپتان سکندر رضا 24 گیندوں پر 34 رنز بناکر ناقابل شکست رہے۔

گرین شرٹس کے محمد نواز نے 2، شاہین آفریدی، ابرار احمد، سلمان مرزا اور صائم ایوب نے 1،1 وکٹ حاصل کی ہے۔

اس سے قبل قومی کرکٹ ٹیم کے کپتان سلمان علی آغا کا کہنا ہےکہ زمبابوے کو کم سکور پر آؤٹ کرنے کی کوشش کریں گے، پاکستانی بیٹر عبدالصمد انجری کے باعث ٹرائی سیریز سے باہر ہو گئے جب کہ حسن نواز کو سکواڈ میں شامل کر لیا گیا۔

پاکستان ٹیم میں صائم ایوب، صاحبزادہ فرحان، فخر زمان،  بابر اعظم، سلمان علی آغا، عثمان خان، محمد نواز، فہیم اشرف، سلمان مرزا، شاہین آفریدی اور ابرار احمد شامل ہیں۔

واضح رہے کہ سہ ملکی سیریز میں پاکستان، زمبابوے اور سری لنکا کی ٹیمیں حصہ لے رہی ہیں۔