ٹرائی سیریز : پاکستان ٹیم کوبڑا دھچکا، جارح مزاج بیٹر سہ ملکی سیریز سے باہر، متبادل کھلاڑی کا اعلان

لاہور: پاکستان،سری لنکا او ر زمبابوے کے مابین کھیلی جانے والی ٹرائی سریز سے قبل قومی ٹیم کو بڑا دھچکا لگا ہے،اہم جارح مزاج بلے باز عبد الصمدانجرڈ ہونے کے باعث سیریز سے باہر ہو گیا ہے۔

تفصیلات کے مطابق عبد الصمد انجری کے باعث ٹی ٹوئنٹی ٹرائی سیریز کے اسکواڈ سے باہر ہوئے ۔ ان کی  جگہ حسن نواز کو اسکواڈ میں شامل کرلیا گیا ہے۔

عبدالصمد کو پیر کے دن دورانِ فیلڈنگ بائیں ہاتھ پر گیند لگنے سے  انجری ہوئی تھی، انگلی کے زخم کی وجہ سے وہ 4  ہفتے کیلئے کرکٹ سے دور ہوگئے ہیں۔

عبدالصمد کی جگہ شامل کیے جانے والے بیٹر حسن  نواز 19نومبر کو ٹیم جوائن کریں گے۔

واضح رہے کہ پاکستان، سری لنکا اور زمبابوے کے درمیان ٹی ٹوئنٹی ٹرائی سیریز کا آغاز آج سے ہوگا،پہلا میچ پاکستان اورزمبابوے کےدرمیان راولپنڈی میں کھیلا جائے گا۔