مشفیق الرحیم 100 ویں ٹیسٹ میں سنچری کرنیوالے دنیا کے 11 ویں کرکٹر بن گئے

میر پور: بنگلہ دیش کےمایہ ناز وکٹ کیپر بلے بازمشفیق الرحیم نے اپنے کیریئر کے 100 ویں ٹیسٹ میں سنچری بنا کر اہم اعزاز اپنے نام کر لیا۔

تفصیلات کے مطابق مشفیق الرحیم نےآئرلینڈ کے خلاف دوسرے ٹیسٹ میچ کے دوسرے روز اپنی سنچری مکمل کی جو ان کے کیرئیر کی 13 ویں سنچری ہے۔ 

مشفیق الرحیم 100 ویں ٹیسٹ میں سنچری اسکور کرنے والے دنیا کے 11 ویں کرکٹر بن گئے۔

یاد رہے مشفیق الرحیم  100 ٹیسٹ میچز کھیلنے والے پہلے بنگلہ دیشی کھلاڑی بھی بن گئے ہیں، انہوں نے یہ اعزاز میرپور میں آئرلینڈ کے خلاف دوسرے ٹیسٹ میچ میں حاصل کیا۔

اس کے علاوہ ان کے پاس لارڈز میں سب سے کم عمر ڈیبیو کرنے والے کھلاڑی کا ریکارڈ بھی ہے جو ابھی تک قائم ہے ، انہوں نے 2005 میں ٹیسٹ ڈیبیوکیا تھا۔