ڈمپر جلانے کا مقدمہ : مہاجر قومی موومنٹ کے چیئرمین آفاق احمد بری

کراچی میں انسداد دہشت گردی عدالت(اے ٹی سی) نے مہاجر قومی موومنٹ کے چیئرمین آفاق احمد کو بری کردیا۔

تفصیلات کے مطابق کراچی کی انسدادہشت گردی عدالت میں ڈمپر جلانے اور اشتعال انگیزی کے مقدمے کی سماعت ہوئی جس میں عدالت نے چیئرمین مہاجر قومی موومنٹ آفاق احمد کو مقدمے سے بری کردیا۔

واضح رہے کہ رواں برس کے آغاز پر ٹرک اور ڈمپر کے بڑھتے ہوئے حادثات کے بعد شہر میں ڈمپرز اور ٹرکوں کو جلانے کے واقعات پیش آئے تھے جس کے بعد آفاق احمد کو اس حوالے سے بیانات دینے پر مقدمے درج کرکے گرفتار کیا گیا تھا۔

چئیرمین مہاجر قومی موومنٹ کے سربراہ آفاق احمد کےخلاف لانڈھی پولیس نےمقدمہ درج کیا گیاتھا۔