پاکستان

وزیراعظم کی یواے ای صدرسے ملاقات، دو طرفہ تعلقات ،معاشی و دیگرامور پر تبادلہ خیال

ملاقات میں آئی ٹی، توانائی، معدنیات و کان کنی اور دفاع سمیت مختلف شعبوں میں تعاون بڑھانے کے امکانات پر بھی تبادلہ خیال کیا گیا،اعلامیہ

شائع شدہ 8 months ago پر Dec 30th 2025, 8:46 pm

ویب ڈیسک کے ذریعے

وزیراعظم کی یواے ای صدرسے ملاقات، دو طرفہ تعلقات ،معاشی و دیگرامور پر تبادلہ خیال

اسلام آباد: وزیراعظم شہبازشریف رحیم یارخان پہنچ گئے جہاں یواے ای صدر شیخ محمد بن زاید النہیان سے ملاقات کی۔

وزیراعظم سیکرٹریٹ سے جاری اعلامیہ کے مطابق ملاقات رحیم یارخان میں شیخ زیدپیلس میں ہوئی۔

ملا قات میں وزیراعظم نے پاکستان اور متحدہ عرب امارات کے دیرینہ برادرانہ تعلقات کو مضبوط باہمی تعلقات پر مبنی تزویراتی اور اقتصادی شراکت داری میں تبدیل کرنے عزم کا اعادہ کیا۔

ملاقات میں دونوں رہنماؤں نے 26 دسمبر کو اسلام آباد میں ہونے والی حالیہ ملاقات میں طے پانے والے امور پر پیش رفت کا جائزہ لیا۔ یہ دورہ بطور صدر متحدہ عرب امارات شیخ محمد بن زید کا پاکستان کا پہلا سرکاری دورہ تھا۔

دوران ملاقات وزیراعظم نے پاکستان اور متحدہ عرب امارات کے دیرینہ برادرانہ تعلقات کو اسٹریٹجک اور باہمی فائدہ مند اقتصادی شراکت داری میں تبدیل کرنے کے عزم کا اعادہ کیا۔ انہوں نے دوطرفہ تجارت میں نمایاں اضافے کی ضرورت پر زور دیتے ہوئے کہا کہ تجارت کو مطلوبہ سطح تک لے جانے کے لیے دونوں ممالک کو فعال کردار ادا کرنا ہوگا۔

ملاقات میں آئی ٹی، توانائی، معدنیات و کان کنی اور دفاع سمیت مختلف شعبوں میں تعاون بڑھانے کے امکانات پر بھی تبادلہ خیال کیا گیا۔

وزیراعظم شہباز شریف نے شیخ محمد بن زید النہیان کی متحرک اور دور اندیش قیادت میں متحدہ عرب امارات کی غیر معمولی ترقی کو سراہتے ہوئے دوطرفہ تعلقات کے فروغ کے لیے ان کی سرپرستی اور وابستگی پر شکریہ ادا کیا۔

دوران ملاقات وزیراعظم کا 21 لاکھ پاکستانیوں کی میزبانی پر متحدہ عرب امارات کا شکریہ ادا کرتے ہوئے کہنا تھا کہ یو اے ای میں مقیم پاکستانی دونوں ممالک کے درمیان تعلقات کو مضبوط بنانے میں اہم کردار ادا کر رہے ہیں۔

ملاقات میں نائب وزیراعظم و وزیر خارجہ سینیٹر محمد اسحاق ڈار، وفاقی وزیر اطلاعات عطا اللہ تارڑ، وزیر مملکت برائے خارجہ امور طارق فاطمی اور دیگر اعلیٰ حکام بھی موجود تھے۔