جے یو آئی کے سینئررہنما انتقال کر گئے،مولانا فضل الرحمان کا اظہار تعزیت

ڈی آئی خان:جمعیت علما ئے اسلام (ف) ڈیرہ اسماعیل خان کے سینئر رہنما حاجی عبداللہ انتقال کر گئے ہیں۔

جے یو آئی (ف) کے سربراہ مولانا فضل الرحمان نے جے یو آئی ،ڈی آئی خان کے رہنماء حاجی عبداللہ کی وفات پر اظہار افسوس کیا ہے۔

اپنے تعزیتی بیان میں انہوں نے کہا کہ حاجی عبداللہ کے انتقال سے شدید صدمہ پہنچا ہے۔ اللہ تعالیٰ مرحوم کے سفرِ آخرت کو آسان فرمائے اور انہیں جوارِ رحمت میں اعلیٰ مقام عطا کرے۔

اپنے بیان میں سربراہ جے یو آئی مولانا فضل الرحمان کا کہنا تھا کہ مرحوم کی جماعت اور خانوادہ مفتی محمود سے دیرینہ وابستگی تھی۔ انہوں نے مشکل اور کٹھن حالات میں بھی جمعیت علمائے اسلام کی بھرپور خدمت کی اور جماعت کے لیے قیمتی خدمات انجام دیں، جنہیں ہمیشہ یاد رکھا جائے گا۔

انہوں نے مزید کہا کہ اللہ کریم مرحوم کی تمام عبادات کو قبول فرمائے، انہیں بہترین اجر عطا کرے اور لواحقین کو یہ صدمہ برداشت کرنے کی توفیق دے۔ مولانا فضل الرحمان نے مرحوم کے اہل خانہ کے غم میں برابر کا شریک ہونے اور ان کے لیے صبرِ جمیل کی دعا بھی کی۔