سونے کی قیمت میں مسلسل دوسرے روز بڑی کمی ،فی تولہ کتنے کا ہو گیا؟

کراچی:عالمی و مقامی مارکیٹوں میں سونے کی قیمتوں میں آج پھر کمی ریکارڈ کی گئی۔

آل پاکستان جیمزا ینڈ جیولرز ایسوسی ایشن کے مطابق کاروباری ہفتے کے چوتھے روزملک میں  24 قیراط کے حامل فی تولہ سونے کی قیمت میں بھی 600روپے کی کمی ریکارڈ ہوئی، جس کے بعد نئی قیمت 4لاکھ 66ہزار 162روپے کی سطح پر آگئی۔

ایسوسی ایشن کے مطابق اسی طرح جب کہ فی 10 گرام سونے کی قیمت 515روپے گھٹ کر 3لاکھ 99ہزار 658روپے کی سطح پر آگئی۔

دوسری جانب عالمی  بلین مارکیٹ میں آج جمعرات کے روز فی اونس سونے کی قیمت میں 6ڈالر کی کمی ریکارڈ ہوئی، جس کے نتیجے میں نئی عالمی قیمت 4ہزار 438ڈالر کی سطح پر آگئی ۔  
خیال رہے کہ گزشتہ روز سونے کی قیمتوں میں 1200 روپے فی تولہ کمی ریکارڈ کی گئی تھی۔