اسرائیلی سافٹ وئیر پیگاسس کے ذریعے دنیا بھر میں جاسوسی کی گئی ، پی ٹی اے

قومی اسمبلی کی قائمہ کمیٹی دفاع کےاجلاس  میں پی ٹی اے  حکام نے انکشاف کیا ہےکہ اسرائیلی سافٹ ویئرپیگاسس کے ذریعے دنیا بھرمیں جاسوسی کی گئی، پیگاسس بنانے والی این ایس او نے جو کچھ کیا اس میں واٹس ایپ شامل تھا،واٹس ایپ کال کی وجہ سے جاسوسی کرنا آسان ہو گیا ہے ۔ گوگل ہماری تمام سائبر  معلومات اور نقل و حرکت کی اطلاع این ایس اوکو دیتا ہے۔

پی ٹی اے حکام نے کہا کہ اسی لئے پاک فوج نے بروقت ایکشن لیا اور  فوج میں اسمارٹ فون کے استعمال پر پابندی عائد کردی۔پی ٹی اے نے پاکستان  میں 25 کمپنیوں کو موبائل مینوفیکچرنگ کا لائسنس دیا ہے۔

پی ٹی اے کا کہنا ہے کہ  واٹس ایپ کی طرز پر اپنی ایپلیکیشن  تیار کرنے کی بھی تجویز دی ہے ۔