اوگرا نے ایک دفعہ پھر ایل پی جی کی قیمتوں میں اضافہ کر دیا، نوٹیفکیشن جاری 

اسلام آباد:آئل اینڈ گیس ریگولیٹری اتھارٹی (اوگرا) نے ایل پی جی کی قیمت میں 4 روپے 95 پیسے فی کلو اضافہ کر دیا ہے۔

اوگرا کی جانب سے جاری کر دہ نوٹیفیکیشن کے مطابق ایل پی جی کی فی کلو قیمت میں 4 روپے 95 پیسے اضافہ کیا گیا ہے، جس کے بعد نئی فی کلو قیمت 308 روپے 76 پیسے مقرر کر دی گئی ہے۔

اوگرا کے مطابق جون کے لیے 11.8 کلوگرام گھریلو سلنڈر کی نئی قیمت 3 ہزار 643 روپے 41 پیسے مقرر کی گئی ہے۔ 

نوٹیفکیشن کے مطابق نئی قیمتوں کا اطلاق فوری طور پر آج سے ہو گا۔

دوسری جانب ماہرین کا کہنا ہے کہ قیمتوں میں اضافے کے بعد گھریلو صارفین پر اضافی مالی بوجھ پڑے گا جبکہ کمرشل سطح پر بھی ایل پی جی کے اخراجات میں اضافہ متوقع ہے۔