نیوزی لینڈ کرکٹ بورڈ کا دورہ پاکستان سے قبل سیکورٹی انتظامات کا جائزہ لینے کا فیصلہ

انس سعید

ذرائع کا کہنا ہے کہ نیوزی لینڈ کرکٹ نے سیکورٹی ایکسپرٹ ریگ ڈکیسن کی خدمات حاصل کر لیں سیکورٹی انتظامات کا جائزہ لینے کے لیے نیوزی لینڈ کرکٹ کے سیکورٹی ایکسپرٹ آئندہ ماہ پاکستان کا دورہ کریں گے ریگ ڈکیسن لاہور، کراچی اور راولپنڈی میں سیریز کے حوالے سے انتظامات کا جائزہ لیں گے

ذرائع کا کہنا تھا کہ نیوزی لینڈ کرکٹ اپنے سیکورٹی ایکسپرٹ کی رپورٹ کی روشنی میں دورہ پاکستان کا فیصلہ کرے گا  جبکہ دو اضافی ٹی ٹونٹی میچز کھیلنے کا فیصلہ بھی اس ہی رپورٹ پر منحصر ہوگا 

 پاکستان اور نیوزی لینڈ کے درمیان ستمبر میں تین ٹی ٹونٹی اور تین ون ڈے میچز کی سیریز شیڈول ہے پی سی بی نے ورلڈکپ کی تیاریوں کے پیش نظر دو اضافی ٹی ٹونٹی میچز کی بھی پیشکش کر رکھی ہے

 نیوزی لینڈ کی کرکٹ ٹیم نے 2003 میں آخری بار پاکستان کا دورہ کیا تھا

یاد رہے سیکورٹی ایکسپرٹ ریگ ڈکیسن اس سے قبل مختلف سیریز اور پی ایس ایل کے لیے سیکورٹی انتظامات کی جانچ پڑتال کے لیے کئی بار پاکستان آ چکے ہیں