معروف مزاحیہ اداکار رفیع خاور المعروف ننھا کی برسی آج منائی جا رہی ہے

فلم اور ٹی وی کے معروف مزاحیہ اداکار رفیع خاور المعروف ننھا کی چالیسویں برسی آج منائی جا رہی ہے۔

رفیع خاور نے اپنے فنی سفر کا آغاز 1966 میں اردو فلم وطن کا سپاہی سے کیا۔

انہیں ڈرامہ سیریل الف نون میں ننھا کے کردار سے غیرمعمولی شہرت حاصل ہوئی جس کے بعد وہ اسی نام سے مشہور ہو گئے۔

رفیع خاور کو 1977 اور 1983 میں بہترین معاون اداکار اور کامیڈین کیلئے دو نگار ایوارڈز سے نوازا گیا۔

وہ 1986 میں آج کے روز لاہور میں انتقال کر گئے تھے۔