سبزی اور فروٹ منڈیوں میں داخلے کیلئے کورونا ویکسین لازمی

تفصیلات کے مطابق صوبائی وزیر زراعت سندھ اسمائیل راہو کا کہنا ہے کہ کرونا کے بڑھتے ہوئے کیسز کے باعث سندھ بھر کی سبزی اور پھل منڈیوں میں ویکسینیشن کارڈ کے بغیر داخلے پر پابندی عائد کر دی گئی ہے۔

تمام مارکیٹس کمیٹی کے چیئرمینز اور محکمہ زراعت کے افسران ایس او پیز پرعمل درآمد کروانے کے مجاز ہیں۔ جب کہ شہری بزرگوں اور بچوں کو سبزی منڈیوں میں لانے پر بھی پابندی لگائی دی گئی ہے۔

محکمہ زرعات کے افسران کی جانب سے تمام تر سبزی منڈیوں میں کرونا ویکسین اور سماجی فاصلہ رکھنے کی آگاہی مہم بھی چلائی جا رہی ہے۔

کراچی ، حیدرآباد اور شکار پور کی منڈیوں میں عارضی ویکسینیشن سینٹرز قائم کر دئیے گئے ہیں، جہاں اب تک ڈھائی سو سے زائد آڑھتیوں اور بیوپاریوں کو کرونا ویکسین لگائی گئی ہے۔