وزیراعظم نے اگست تک ایک ارب پودے لگانے کا ہدف مقرر کردیا

ذرائع کے مطابق موجودہ حکومت اب تک 70 کروڑ پودے پہلے ہی لگا چکی ہے، شجر کاری مہم میں 35 کروڑپودے فروری سے اگست تک لگائے جائیں گے، وزیراعظم نے چاروں صوبوں میں شجرکاری مہم میں خودحصہ لینے کا فیصلہ کیا، عمران خان ہفتہ وار ایک ایک صوبے میں شجر کاری کی تقریب میں شریک ہویں گے۔صوبوں میں شجر کاری تقاریب کا مقصد لوگوں میں پودے لگانے کا رجحان پیدا کرنا ہے۔

ذرائع نے بتایا کہ وزیراعظم کے معاون خصوصی موسمیاتی تبدیلی ملک امین اسلم نے شیڈول ترتیب دےدیا، وزیراعظم ہفتہ وار ایک ایک صوبے میں شجر کاری کی تقریب میں شریک ہوں گے،جبکہ عمران خان جلد سندھ میں مینگروز سے متعلق تقریب میں شریک ہوں گے۔یہ بھی کہا گیا ہے کہ مینگروززہریلی آب و ہوا جذب کرکے سمندری آلودگی سے بچانے کاسبب بنتے ہیں۔ پنجاب، کےپی اور بلوچستان زیتون کی شجرکاری مہم میں حصہ لیں گے۔ جبکہ اسلام آباد، آزاد کشمیر اور جی بی میں آب و ہوا کی مناسبت سے پودے لگائے جائیں گے۔وزیراعظم کی ہدایت پر وزارت موسمیاتی تبدیلی صوبائی حکومت کو آگاہ کرے گی۔