وزیر اعلیٰ عثمان بزدار کا چولستان جیپ ریلی میں کمال مہارت کا مظاہرہ

تفصیلات کے مطابق صحرائے بہاول پور میں 16ویں چولستان ڈیزرٹ جیپ ریلی 2021 ء کا ایونٹ اپنے شیڈول کے مطابق جاری ہے۔جس میں ڈرائیورز 165 کلومیٹر پر محیط ٹریک پر مہارت کے جوہر دکھا رہے ہیں۔ تاہم جیپ ریلی کے ٹریک پر وزیر اعلی پنجاب سردار عثمان بزدار کی کمال مہارت سے تیز رفتار ڈرائیونگ نے سب کو حیران کر دیا۔ 

جی این این کے مطابق وزیر اعلی پنجاب نے جیپ ریلی کے ٹریک پر ایسی رفتار سے گاڑی چلائی کہ پروٹوکول کی گاڑیاں بھی پیچھے رھ گئیں۔ ریلی کے شرکا بھی وزیر اعلی کی ڈرائیونگ میں مہارت کی تعریف کرتے رہے۔

چولستان ڈیزاٹ ریلی 2021: وزیراعلیٰ پنجاب @UsmanAKBuzdar نے ٹریک پر گاڑی چلائی۔ ریلی کے شرکاء کا خوشگوار حیرت کا اظہار
"چولستان ڈیزاٹ ریلی نہ صرف پنجاب بلکہ پاکستان کا ایک بڑا ایونٹ بن چکا ہے۔ آئندہ اس ریلی میں انٹرنیشنل ڈرائیورز کو بھی مدعو کیاجائے گا۔" وزیراعلی پنجاب pic.twitter.com/Qbm47HwcMJ

— CM Punjab (Updates) (@CMPunjabPK) February 14, 2021

اس موقع پر وزیر اعلی عثمان بزدارنے کہا کہ چولستان جیپ ریلی کو بین الاقوامی ایونٹ بنائیں گے ۔  انہوں نے کہا کہ اتنے اچھے ٹریک پر گاڑی بھگانے کا اپنا ہی مزہ ہے ، دنیا بھر سے لوگ آئیں اور جیپ ریلی کے ٹریک پر اپنی مہارت دکھائیں ۔ 

واضح رہے کہ چولستان ڈیزرٹ جیپ ریلی کا شمار پاکستان کے سب سے بڑے سپورٹس ایونٹ میںہوتا ہے۔صحرائے بہاول پورمیں منعقد ہونے والے اس ایونٹ میں ہر سال گاڑیوں کا شوق رکھنے والے سینکڑوں افراد شرکت کرتے ہیں۔ 165 کلومیڑکے ٹریک پر اپنی مہارت کا مظاہرہ کرنے والے مضبوط اعصاب کے مالک ہوتے ہیں۔