وفاقی حکومت نے 5 فروری کو عام تعطیل کا اعلان کر دیا،نوٹیفکیشن جاری

ویب ڈیسک: وفاقی حکومت کے اعلان کے مطابق 5 فروری 2026 کو یومِ کشمیر کے موقع پر ملک بھر میں عام تعطیل ہوگی۔

اس حوالے سے وفاقی حکومت کی جانب سے نوٹیفکیشن جاری کر دیا گیا ہے۔

جاری کر دہ نوٹیفکیشن کے مطابق 5 فروری کو یوم کشمیر کی مناسبت سے ملک کے تمام سرکاری و نجی ادارے بند رہیں گے۔

یومِ کشمیر ہر سال پاکستان میں کشمیری عوام سے اظہارِ یکجہتی کے لیے منایا جاتا ہے، اس دن ملک بھر میں خصوصی تقاریب، سیمینارز، ریلیاں اور دعائیہ اجتماعات منعقد کیے جاتے ہیں تاکہ کشمیری عوام کے حقِ خودارادیت کی حمایت کا اعادہ کیا جا سکے۔

ہر سال کی طرح 2026 میں بھی توقع کی جا رہی ہے کہ یومِ کشمیر کے موقع پر سرکاری و نجی سطح پر سرگرمیوں کا اہتمام کیا جائے گا جن میں انسانی حقوق کی پامالیوں کے خلاف آواز بلند کی جائے گی اور عالمی برادری کی توجہ مسئلہ کشمیر کی جانب مبذول کرانے کی کوشش کی جائے گی۔