گزشتہ ایک ہفتے سے جاری لڑائی کے دوران کچھ امریکی فوجیوں کو گرفتار کر لیا گیا ہے،ایران کا دعویٰ

تہران: ایرانی سپریم نیشنل سیکیورٹی کونسل کے سیکرٹری علی لاریجانی نےدعویٰ کرتے ہوئے کہا ہے کہ مجھے یہ اطلاع ملی ہے کہ گزشتہ ایک ہفتے سے جاری لڑائی کے دوران کچھ امریکی فوجیوں کو گرفتار کر لیا گیا ہے۔

ایرانی خبر رساں ایجنسی کے مطابق سپریم نیشنل سیکیورٹی کونسل کے سیکرٹری جنرل علی لاریجانی نے دعویٰ کیا ہے کہ گزشتہ ایک ہفتے سے جاری لڑائی کے دوران کچھ امریکی فوجیوں کو گرفتار کر لیا گیا ہے۔

میڈیا رپورٹس کے مطابق انہوں نے یہ واضح نہیں کیا کہ کتنے امریکی فوجی قید میں ہیں اور نہ ہی اُن کی جانب سے امریکی فوجیوں کے گرفتار ہونے کے حالات بیان کیے گئے ہیں۔

علی لاریجانی کا کہنا ہے کہ امریکیوں کا دعویٰ ہے کہ ان کے فوجی کارروائی میں مارے گئے ہیں، امریکا کی جانب سے سچائی چھپانے کی کوششیں کام نہیں آئیں گی، یہ سچائی زیادہ دیر چھپ نہیں سکتی۔

علی لاریجانی نے مزیدکہاکہ امریکی اڈے دشمنوں کے لیے استعمال ہوں گے تو ایران کو دفاع کا حق حاصل ہے،آبنائے ہرمز بند نہیں کی، جنگ کے باعث صورتحال متاثر ہے۔