نیویارک کے مئیر ظہران ممدانی کے گھر کے باہر سے دو مشکوک ڈیوائسز برآمد

نیویارک کے پہلے مسلمان میئر ظہران ممدانی کے گھر کے باہر سے دو مشکوک ڈیوائسز برآمد کر کے قبضے میں لے لی گئیں۔

امریکی میڈیا رپورٹس کے مطابق واقعہ اس وقت پیش آیا جب شہر میں مسلمانوں کے خلاف ایک ریلی نکالی جا رہی تھی۔ اسی دوران میئر کی رہائش گاہ کے باہر دو مشتبہ ڈیوائسز دیکھے جانے پر سیکیورٹی اداروں کو اطلاع دی گئی۔

رپورٹس کے مطابق پولیس نے فوری کارروائی کرتے ہوئے دونوں ڈیوائسز قبضے میں لے لیں اور واقعے کے سلسلے میں دو مشتبہ افراد کو بھی حراست میں لے لیا۔

میڈیا رپورٹس کے مطابق یہ واضح نہیں ہو سکا کہ واقعے کے وقت میئر ظہران ممدانی اور ان کی اہلیہ گھر میں موجود تھے یا نہیں۔ پولیس واقعے کی مزید تحقیقات کر رہی ہے۔