حزب اللہ کی جنوبی لبنان میں کارروائیاں جاری، مزید 4 اسرائیلی فوجی جہنم واصل

بیروت:مزاحتمی تنظیم حزب اللہ کی جنوبی لبنان میں اسرائیلی فورسز کی جارحیت کےخلاف کارروائیاں جاری ہیں جس میں مزید 4 اسرائیلی فوجی جہنم واصل ہو گئے ہیں جس کی تصدیق آئی ڈی ایف کی جانب سے کر دی گئی ہے۔

غیر ملکی میڈیا رپورٹس کے مطابق جنوبی لبنان میں حزب اللہ کی جانب سے اسرائیلی فوجیوں کے خلاف متعدد راکٹ حملوں کے دوران چار اسرائیلی فوجی ہلاک ہوگئے ہیں، جس کے بعد اس جھڑپ میں ہلاک ہونے والے فوجیوں کی مجموعی تعداد دس تک پہنچ گئی۔

لبنان کی وزارتِ صحت نے تصدیق کی ہے کہ 28 فروری سے اب تک جاری اسرائیلی حملوں کے نتیجے میں کم از کم 1247 افراد شہید ہو چکے ہیں جبکہ زخمیوں کی تعداد 3690 سے تجاوز کر گئی ہے۔

دوسری جانب اسرائیلی فورسز نے جنوبی لبنان میں زمینی کارروائیوں کے ساتھ ساتھ فضائی حملوں کا سلسلہ بھی جاری ہے، جو دو مارچ کو حزب اللہ کی جانب سے سرحد پار کارروائی کے بعد شروع کیا گیا تھا۔