ایران جنگ نہیں چاہتا تاہم اپنے حقوق سے کسی صورت دستبردار نہیں ہوگا،سپریم لیڈر مجتنی خامنہ ای

تہران: ایران کے سپریم لیڈر مجتبیٰ خامنہ ای نے اپنے حالیہ تحریر ی پیغام میں کہا ہے کہ ایران جنگ نہیں چاہتا تاہم اپنے حقوق سے کسی بھی صورت میں ستبردار نہیں ہو گا۔

تفصیلات کے مطابق سپریم لیڈر آیت اللہ مجتبیٰ خامنہ ای کا یہ پیغام ان کے والد آیت اللہ علی خامنہ ای کی شہادت کے 40 روز پورے ہونے کے موقع پڑھ کر سنایا گیا، جو کہ 28 فروری کو ہونے والے حملوں کا نشانہ بنے تھے۔

سرکاری ٹی وی پر جاری بیان میں مجتبیٰ خامنہ ای کا کہنا ہے کہ ہم نے جنگ چاہی تھی نہ چاہتے ہیں لیکن ہم کسی بھی صورت میں اپنے جائز حقوق سے دستبردار نہیں ہوں گے اور اس سلسلے ہم اس پوری مزاحمت کو ایک مجموعی محاذ سمجھتے ہیں، ایران آبنائے ہرمز کے سٹریٹجک انتطام کو ایک نئے مرحلے میں داخل کرے گا۔

بیان میں ایرانی سپریم لیڈر مجتبیٰ خامنہ ای نےمزید کہا کہ آبنائے ہرمز کے انتظام کو مزید مؤثر بنایا جائے گا اور ایران پر حملہ کرنے والوں کو ہرگز معاف نہیں کیا جائے گااور امریکہ سے ہر نقصان کا ازالہ طلب کریں گے۔

رہبرِ اعلیٰ  نے ایرانی عوام کو مخاطب کرتے ہوئے کہا کہ جنگ بندی کے اعلان کے باوجود وہ یہ نہ سوچیں کہ سڑکوں پر نکلنا اب ضروری نہیں رہا،عوامی مقامات پر بلند ہونے والی آپ کی آوازیں یقیناً مذاکرات کے نتائج پر اثرانداز ہو سکتی ہیں۔بہادر ایرانی قوم اس میدانِ جنگ میں فاتح ثابت ہوئے۔

جاری بیان میں ایرانی سپریم لیڈر مجتبیٰ خامنہ ای نے عوام کو تلقین کی کہ جھوٹے وعدوں سے بچیں، ، ریاست اپنے حقوق پر سمجھوتہ کیے بغیر امن کی پالیسی پر عمل پیرا ہے۔