اسحاق ڈار کا عباس عراقچی سے ٹیلیفونک رابطہ،خطے میں امن و استحکام کے حوالے سے تبادلہ خیال

اسلام آباد:نائب وزیر اعظم و وزیر خارجہ اسحاق ڈار نے ایرانی وزیر خارجہ عباس عراقچی سے ٹیلی فونک رابطہ کیا۔

وزارت خارجہ کے ترجمان کے دفتر سے جاری بیان کے مطابق گفتگو کے دوران نائب وزیر اعظم و وزیر خارجہ نے اس بات پر زور دیا کہ موجودہ مسائل کے جلد حل کے لیے مسلسل مکالمہ اور رابطہ نہایت ضروری ہے، تاکہ خطے اور اس سے باہر امن و استحکام کو فروغ دیا جا سکے۔

ٹیلیفونک رابطے میں دونوں رہنماؤں نے خطے کے امن و استحکام، موجودہ مسائل کے جلد حل کےلیےمکالمے کی ضرورت پر زور دیا۔
ترجمان نے بتایاکہ دونوں رہنماؤں نے قریبی رابطے میں رہنے پر اتفاق کیا۔

ترجمان دفتر خارجہ کے مطابق دونوں رہنماؤں نے وزیراعظم شہبازشریف اور ایرانی صدر کے درمیان آج ٹیلیفونک رابطے پربھی اتفاق کیا۔

خیال رہے کہ امریکا اور ایران کے درمیان مذاکرات کا دوسرا دور اسلام آباد میں ہوگا اور امریکی صدر نے اپنے نمائندے بھیجنے کا اعلان کیا ہے۔