جنرل سادیو کامارا مالی کی فوجی حکومت کی ایک مرکزی شخصیت تھے، جنہوں نے 2020 اور 2021 میں لگاتار بغاوتوں کے بعد اقتدار سنبھالا تھا،الجزیرہ


کاتی :افریقی ملک مالی میں فوجی تنصیبات پر مربوط حملوں کے دوران وزیرِ دفاع جنرل سادیو کامارا ہلاک ہوگئے۔
قطری نشریاتی ادارے الجزیرہ کے مطابق اتوار کے روز یہ خبر ایسے وقت میں سامنے آئی جب ایک روز قبل ہفتہ کے دن القاعدہ سے منسلک گروپ اور طوارق باغیوں کی جانب سے بیک وقت حملے کیے گئے، جن میں گیریژن ٹاؤن کاتی میں واقع کامارا کی رہائش گاہ کو بھی نشانہ بنایا گیا۔
الجریزہ کے مطابق حملہ آوروں نے کاتی شہر میں کامارا کی رہائش گاہ پر خودکش بم حملہ کیا۔کاتی جو دارالحکومت باماکو سے تقریباً 15 کلومیٹر شمال مغرب میں واقع ایک سخت سکیورٹی والا فوجی شہر سمجھا جاتا ہے، وہاں اس نوعیت کا حملہ سکیورٹی صورتحال پر سنگین سوالات اٹھاتا ہے۔
رپورٹس کے مطابق ان حملوں کے دوران مسلح افراد نے ملک کے دیگر کئی مقامات کو بھی نشانہ بنایا، جن میں دارالحکومت باماکو، شمالی شہر گاؤ اور کدال، اور وسطی شہر سیوارے شامل ہیں۔
الجزیرہ کی جانب سے مزید بتایا گیا ہے کہ اِس واقعے کے کافی دیر بعد بھی مالی کے شہر کدال کے گیریژن ٹاؤن میں شدید فائرنگ اور زور دار دھماکوں کی آوازیں سنی جا رہی تھیں، اور یہ کارروائی شروع ہونے کے 24 گھنٹے بعد بھی جاری ہے۔
خیال رہے کہ جنرل سادیو کامارا مالی کی فوجی حکومت کی ایک مرکزی شخصیت تھے، جنہوں نے 2020 اور 2021 میں لگاتار بغاوتوں کے بعد اقتدار سنبھالا تھا۔ وہ حکمران فوجی قیادت کے اندر سب سے بااثر شخصیات میں سے ایک تھے اور بعض حلقوں کی نظر میں مستقبل کے ممکنہ رہنما بھی سمجھے جاتے تھے۔ ان کی ہلاکت ملک کی مسلح افواج کے لیے ایک بڑا دھچکا ہے۔

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 دن قبل

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 دن قبل

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- ایک دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 دن قبل

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 دن قبل

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- ایک دن قبل

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 دن قبل

پاکستان میں فی تولہ سونا ہزاروں روپے سستا ہوگیا
- ایک دن قبل

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 دن قبل

پیٹرول اور ڈیزل کی نئی قیمتوں کا اعلان
- 2 دن قبل

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- 2 دن قبل







