اسحا ق ڈار کا  انتونیو گوتریس سے ٹیلیفونک رابطہ،،پاکستان کے سفارتی کردار کی تعریف، مکمل حمایت کا اعادہ

اسلام آباد:نائب وزیرِاعظم و وزیرِ خارجہ سینیٹر محمد اسحاق ڈار سے اقوام متحدہ کے سیکرٹری جنرل انتونیو گوتریس نے ٹیلیفونک رابطہ کیا۔

ترجمان دفترخارجہ کی جانب سے جاری کر دہ کے مطابق گفتگو کے دوران خطے کی صورتحال اور پاکستان کی جانب سے جاری سفارتی کوششوں اور فریقین کے ساتھ روابط پر تبادلہ خیال کیا گیا۔

ترجمان نے مزید بتایا کہ ٹیلیفونک رابطے میں سیکرٹری جنرل اقوام متحدہ نے پاکستان کی مسلسل سفارتی کاوشوں کو سراہتے ہوئے خطے اور عالمی سطح پر امن و استحکام کے لیے پاکستان کے تعمیری کردار کی بین الاقوامی برادری کی جانب سے تعریف اور حمایت کا اظہار کیا۔

ترجمان دفتر خارجہ کے مطابق انہوں نے پاکستان کی جاری کوششوں کے لیے اقوام متحدہ کی مکمل حمایت کا بھی اعادہ کیا۔