صدر زرداری کاعراق کے نامزد وزیرِ اعظم سے ٹیلی فونک رابطہ، عراق میں مستحکم حکومت کی تشکیل کے لیے نیک تمناؤں کا اظہار

اسلام آباد: صدر آصف علی زرداری اورعراق کے نامزد وزیرِ اعظم علی فالح خادم الزیدی کے درمیان ٹیلی فونک رابطہ ہوا۔صدرمملکت نےعلی فالح خادم الزیدی کو وزارت عظمیٰ کے اہم منصب کے لیے نامزدگی پر مبارکباد دی اور عراق میں ایک مستحکم حکومت کی تشکیل کے لیے نیک تمناؤں کا اظہار کیا۔ 

صدرمملکت نے کہا کہ علی فالح خادم الزیدی کابطور وزیرِ اعظم عراقی عوام کے ان کی قیادت پر اعتماد کا مظہر ہے۔ٹیلی فونک گفتگو میں صدر آصف علی زرداری نےکہا کہ پاکستان اور عراق کے درمیان تعلقات مشترکہ اقدار اور باہمی احترام پر مبنی ہیں اور پاکستان اس برادرانہ تعلق کو مزید مضبوط بنانے کے لیے پُرعزم ہے۔

انہوں نے دونوں ملکوں کے درمیان تجارت، سرمایہ کاری، توانائی ، بنیادی ڈھانچے، زراعت اور قابلِ تجدید توانائی کے شعبوں میں تعاون میں اضافے اوراقتصادی روابط کوفروغ دینے کی صلاحیت اور امکانات کواجاگر کیا۔

صدرمملکت نے کہا کہ طویل المدتی شراکت داری کے لیے تعلیمی تعاون اور عوامی سطح پر روابط بڑھانے کی ضرورت ہے۔ نامزد وزیراعظم علی فالح خادم الزیدی نے صدرمملکت کا شکریہ ادا کرتے ہوئے انہیں عراق کے دورے کی دعوت دی۔