ایران کے پاس 440 کلوگرام 60 فیصد افزودہ یورینیم موجود ہے،ایٹمی ایجنسی

ویب ڈیسک:عالمی ایٹمی توانائی ایجنسی (آئی اے ای اے) کے سربراہ رافیل گروسی نے کہا ہے کہ ایران کا بیشتر افزودہ یورینیم اب بھی اصفہان کے جوہری مرکز میں موجود ہونے کا امکان ہے۔

غیر ملکی میڈیا رپورٹس کے مطابق رافیل گروسی نے اپنے بیان میں کہا کہ نطنز اور فردو کے معائنے کی بھی ضرورت ہے ۔ان کامزید کہنا تھا کہ ایران کے پاس 440 کلو گرام کا 60 فیصد افزودہ یورینیم موجود ہے ، جس میں تقریباً 200 کلو گرام اصفہان کی سرنگوں میں ہوسکتا ہے۔

رپورٹس کے مطابق رافیل گروسی نے یہ بھی کہا کہ آئی اے ای اے نے روس اور دیگر ملکوں سے ایران کے افزودہ یورینیم کو ملک سے باہر منتقل کرنے کے امکان پر بھی بات چیت کی لیکن یہ ایک پیچیدہ عمل ہوگا ۔

دوسری جانب پاکستان کی ثالثی و میزبانی میں ایران امریکا کے مابین ہونے والے مذاکرات جوہری ہتھیاروں اور آبنائے ہرمز کے حوالے سے نکا ت پر اتفاق نہ ہونے کی وجہ سے تعطل کا شکار ہے،جبکہ مذاکرات کے کامیابی کیلئے پاکستا ن کی جانب سے بھرپور سفارتی کوششیں جاری ہیں۔