پنجاب حکومت کا فلم سٹی اتھارٹی کے قیام فیصلہ،ڈائریکٹرز اور پروڈیوسرز کا خیر مقدم

لاہور:پنجاب اسمبلی میں فلم اسٹی اتھارٹی بل منظور کر لیا گیا، جس کے تحت فلم انڈسٹری کی بحالی و فروغ کیلئے تمام تر اخراجات پنجاب حکومت ادا کرے گی جبکہ فلم سازی، ڈرامہ، ڈاکیومنٹری کی سرپرستی کی جائے گی۔

بل کے تحت پنجاب میں فلم انڈسٹری کے فروغ کیلئے فلم سٹی اتھارٹی تشکیل دی گئی،  جس میں فنڈز کے ذریعے فلم سازوں کو ڈرامہ، ڈاکیومنٹری اور فلم سازی میں معاونت دی جائے گی جس میں جہاں پنجاب کی ثقافت، سیاحت اور مثبت تشخص کو فلم کے ذریعے اجاگر بھی کیا جائے گا۔

پنجاب فلم سٹی کو نواز شریف آئی ٹی سٹی میں قائم کیا جائے گا،،اس حوالے سے وزیراعلیٰ پنجاب کی جانب سے پندرہ  رکنی کمیٹی بھی تشکیل دی جائے گی،،  امید ہے اب انڈسٹری کا نیا دور شروع ہو گا۔

دوسری جانب فلم پروڈیوسرز اور ڈائریکٹرز نے فیصلے  کو  سراہتے ہوئے کہا کہ یہ اقدام ناگزیر تھا،، امید ہے  پیاسی انڈسٹری اب سیراب ہو گی۔

اس حوالے سے فلم ڈائریکٹر مسعود بٹ اور شہزاد رفیق نے فیصلے پر وزیراعلیٰ پنجاب مریم نواز اور ان کی ٹیم کو خراج تحسین پیش کیا، ان کا کہنا تھا کہ پراجیکٹ کے ذریعے فلم انڈسٹری کا سنہرا دور واپس آئے گا۔

جبکہ لالی وڈ شو مین سید نور نے کہا کہ   یہ فلم انڈسٹری کیلئے خوش قسمتی ہے،، جو خواب دیکھے وہ پورے ہوں گے۔