سابق سینیٹر مشتاق احمد خان کو اسرائیلی قید سے رہا کر دیا گیا،اسحاق ڈار

نائب وزیراعظم اسحاق ڈارنے کہا ہے کہ سابق سینیٹر مشتاق احمد خان کو رہا کر دیا گیا ہے جنہیں اسرائیلی فوج نے دیگر انسانی ہمدردی کیلئے سرگرم کارکنوں کے ساتھ گلوبل صمود فلوٹیلا کے دوران غیر قانونی طور پر حراست میں لیا تھا۔

سماجی رابطے کی ویب سائٹ ایکس پر ایک بیان میں انہوں نے یونانی حکام کا شکریہ ادا کیا جنہوں نے سابق سینیٹر مشتاق احمد خان کی معاونت کی۔

Alhamdolillah, I am pleased to share that former Senator Mushtaq Ahmad Khan, who was unlawfully detained by Israeli occupying forces along with other humanitarian workers aboard the Global Sumud Flotilla, has been released.

I thank the Hellenic authorities for facilitating…

— Ishaq Dar (@MIshaqDar50) May 1, 2026

اسحاق ڈار نے ترکیہ کی قیادت اور حکومت کا بھی تہہ دل سے شکریہ ادا کیا جنہوں نے ان کی استنبول واپسی اور وہاں سے پاکستان روانگی میں سہولت فراہم کی۔

انہوں نے فلوٹیلا پر سوار انسانی ہمدردی کے کارکنوں کی غیر قانونی حراست اورغزہ کے محصور عوام کے لیے بھیجی جانے والی امداد میں رکاوٹ کی شدید ترین مذمت کا اعادہ کیا۔

انہوں نے کہا کہ پاکستان اپنے فلسطینی بہن بھائیوں کی غیر متزلزل حمایت جاری رکھے گا۔