سچائی کے بغیر امن ممکن نہیں،صحافت کا کردار جمہوری معاشرے میں کلیدی حیثیت رکھتا ہے،صدر اور وزیر اعظم کا پیغام
غیر جانبدارانہ خبروں کی اشاعت صحافت کی بنیاد ہے اور غیر تصدیق شدہ خبروں کی ترسیل کو روکنا ہر صحافی کا فرض ہے،وزیر اعظم


اسلام آباد:آزادی صحافت کے عالمی دن کے موقع پر صدر مملکت آصف علی زرداری اور وزیراعظم شہباز شریف نے اپنے پیغامات میں صحافت کی اہمیت، سچائی اور ذمہ دارانہ رپورٹنگ پر زور دیا۔
تفصیلات کے مطابق صدر مملکت آصف علی زرداری نے کہا کہ سچائی کے بغیر امن ممکن نہیں اور صحافت کا کردار جمہوری معاشرے میں کلیدی حیثیت رکھتا ہے۔
بیان میں انہوں نے خبردار کیا کہ ڈس انفارمیشن جمہوری مکالمے کو مسخ کر رہی ہے جبکہ سوشل میڈیا پلیٹ فارمز کا غیر ذمہ دارانہ استعمال بھی تشویشناک ہے۔ ان کا کہنا تھا کہ صحافیوں کو دنیا بھر میں ہراسانی اور دباؤ کا سامنا ہے، اس لیے ان کے لیے محفوظ ماحول یقینی بنانا ضروری ہے۔
صدر نے مزید کہا کہ آئین کا آرٹیکل 19 آزادی صحافت کی ضمانت دیتا ہے اور احتساب و شفافیت کے لیے آزاد صحافت ناگزیر ہے،انہوں نے زور دیا کہ صحافت میں درستگی کو ترجیح دی جائے، عوام جھوٹ کو مسترد کریں اور سچ کا ساتھ دیں، جبکہ پاکستان کے خلاف منظم جھوٹی مہمات کا بھی مقابلہ کیا جائے۔
وزیر اعظم کا بیان
دوسری جانب وزیراعظم شہباز شریف نے کہا کہ غیر جانبدارانہ خبروں کی اشاعت صحافت کی بنیاد ہے اور غیر تصدیق شدہ خبروں کی ترسیل کو روکنا ہر صحافی کا فرض ہے۔ انہوں نے کہا کہ صحافی ایک باوقار اور سازگار ماحول کے حقدار ہیں اور میڈیا کا منظرنامہ تیزی سے جدت اختیار کر رہا ہے۔
اپنے بیان میں وزیراعظم نے اس بات پر بھی زور دیا کہ پاکستان ایک پرامن ملک ہے اور خطے میں کشیدگی کے دیرپا حل کے لیے مذاکرات کو ترجیح دیتا ہے۔
انہوں نے کہا کہ پاکستانی میڈیا نے اہم مواقع پر ذمہ داری کا مظاہرہ کرتے ہوئے غلط معلومات کا تدارک کیا اور قومی بیانیے کو مؤثر انداز میں پیش کیا۔

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- a day ago

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 days ago

پیٹرول اور ڈیزل کی نئی قیمتوں کا اعلان
- 2 days ago

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 days ago

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- a day ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 days ago

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 days ago

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- a day ago

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 days ago

پاکستان میں فی تولہ سونا ہزاروں روپے سستا ہوگیا
- a day ago

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 days ago



