عدالت نے نذیر چوہان کی درخواست ضمانت مسترد کردی

تفصیلات کے مطابق  سیشن کورٹ لاہور  نے  ایم پی اے نذیر چوہان کی درخواست ضمانت مسترد کردی  ہے،ایڈیشنل سیشن جج راشد پھلروان نے درخواست ضمانت بعدازگرفتاری مسترد کی ۔

جی  این این کے مطابق  عدالت نے محفوظ فیصلہ سنا دیا  ہے۔نذیر چوہان کے خلاف ایف آئی اے حکام نے مقدمہ درج کررکھا ہے۔

چند دن قبل   دل میں تکلیف کی وجہ سے جہانگیر ترین گروپ کے حمایت یافتہ نذیر چوہان کو پنجاب انسٹی ٹیوٹ آف کارڈیالوجی منتقل کیا گیا تھا۔  ایم پی اے نذیر چوہان کو  14 روزہ جوڈیشل ریمانڈ پر جیل منتقل کیا گیا تھا۔

خیال رہے کہ وزیراعظم  عمران خان کے مشیر برائے احتساب شہزاد اکبر نے نذیر چوہان کے خلاف ایف آئی اے میں مقدمہ درج کروا رکھا ہے۔