آسٹریلیا نےکالعدم تنظیم بی ایل اے پر پابند ی عائد کر دی

سڈنی: آسٹریلیا نے کالعدم بلوچستان لبریشن آرمی (بی ایل اے) پر پابندی عائد کر دی۔

غیر ملکی میڈیا رپورٹس کے آسٹریلوی وزیرخارجہ نے کہا ہے کہ بی ایل اے پاکستان میں دہشتگردانہ حملوں میں ملوث ہے اور دہشتگردی و انتہاپسندی کے خلاف آسٹریلیا کا عزم غیرمتزلزل ہے۔

آسٹریلوی میڈیا کے مطابق حکومت نے کالعدم بی ایل اے کے سربراہ بشیر زیب سمیت تین افراد پر مالی پابندیاں بھی عائد کر دی ہیں،حکام کا کہنا ہے کہ بی ایل اے کے کارندوں سے لین دین یا ان کی معاونت کرنے والوں کے خلاف قانونی کارروائی کی جائے گی۔

آسٹریلوی حکومت کے مطابق کالعدم تنظیم سے تعلق یا مالی معاملات رکھنے والوں کو بھاری جرمانے اور 10 سال تک قید کی سزا کا سامنا کرنا پڑ سکتا ہے۔ 

میڈیا رپورٹس کے مطابق آسٹریلوی حکومت نے واضح کیا ہے کہ وہ دہشت گردی اور انتہا پسندی کے خلاف اپنے عزم پر قائم ہے اور ایسے عناصر کے خلاف سخت اقدامات جاری رکھے گی۔

حکام کے مطابق ان پابندیوں کا بنیادی مقصد دہشت گرد تنظیموں کی مالی معاونت کو روکنا ہے تاکہ ان کے لیے فنڈنگ، بھرتی اور سرگرمیوں کا تسلسل مشکل بنایا جا سکے،آسٹریلوی حکومت کے مطابق یہ اقدامات عالمی سلامتی اور انسدادِ دہشت گردی پالیسی کا حصہ ہیں، جن کے تحت بین الاقوامی شراکت داروں کے ساتھ تعاون بھی جاری رہے گا۔