روس ہمیشہ اپنے قومی مفادات، تاریخی اقدار اور مادرِ وطن کے دفاع کے لیے متحد رہے گا، پیوٹن
یہ دن روس کے لیے مقدس، روشن اور سب سے اہم قومی تہوار ہے، قوم عظیم محبِ وطن جنگ کے ہیروز کی قربانیوں، روایات اور ورثے کو ہمیشہ عزت و احترام کے ساتھ یاد رکھے گی،پیوٹن


ماسکو: روسی صدر اور مسلح افواج کے سپریم کمانڈر ولادیمیر پیوٹن نے یومِ فتح کی 81ویں سالگرہ کے موقع پر ریڈ سکوائر میں ہونے والی فوجی پریڈ سے خطاب کرتے ہوئے کہا ہے کہ روس ہمیشہ اپنے قومی مفادات، تاریخی اقدار اور مادرِ وطن کے دفاع کے لیے متحد رہے گا، اور فتح ہمیشہ ہماری ہی ہوگی۔
تفصیلات کے مطابق یوم فتح پر ماسکو میں منعقدہ مرکزی تقریب سے خطاب میں صدر پیوٹن نے روسی عوام اور فوج کو مبارکباد دیتے ہوئے کہا کہ یہ دن روس کے لیے مقدس، روشن اور سب سے اہم قومی تہوار ہے، روسی قوم عظیم محبِ وطن جنگ کے ہیروز کی قربانیوں، روایات اور ورثے کو ہمیشہ عزت و احترام کے ساتھ یاد رکھے گی۔
صدر پیوٹن نے کہا کہ سوویت عوام نے نازی ازم کے خلاف فیصلہ کن کردار ادا کیا، اپنے ملک اور دنیا کو “مطلق برائی” سے بچایا اور ان ریاستوں کو دوبارہ خودمختاری دلائی جو ہٹلر جرمنی کے سامنے ہتھیار ڈال چکی تھیں۔
انہوں نے کہا کہ 22 جون 1941 روسی تاریخ کے سب سے المناک دنوں میں سے ایک تھا، جب نازی جرمنی نے سوویت یونین پر حملہ کیا اور ملک پر قبضے، ثقافت کی تباہی اور سوویت عوام کی نسل کشی کے منصوبے بنائے، نازی قیادت نے پورے یورپ سے طاقت جمع کی، تاہم وہ روسی کردار اور سوویت عوام کی قوتِ ارادی کا درست اندازہ نہ لگا سکے۔
روسی صدر نے جنگِ عظیم دوم میں جان قربان کرنے والوں کو خراجِ عقیدت پیش کرتے ہوئے کہا کہ روس اُن تمام فوجیوں، شہریوں، محصور لینن گراڈ کے متاثرین اور وطن کے لیے جان قربان کرنے والوں کی قربانیوں کو ہمیشہ یاد رکھے گا،انہوں نے کہا کہ ہم اپنے والدین، دادا پردادا، بھائیوں، بہنوں، دوستوں اور اُن تمام لوگوں کی یاد میں سر جھکاتے ہیں جنہوں نے روس کے لیے اپنی جانیں قربان کیں۔
صدر پیوٹن نے اپنے خطاب میں یوکرین میں جاری خصوصی فوجی آپریشن کا بھی ذکر کیا اور کہا کہ آج کے روسی فوجی بھی اپنے آباؤ اجداد کی روایات کو آگے بڑھا رہے ہیں، روسی فوجی ایک ایسی جارحانہ قوت کے خلاف برسرِ پیکار ہیں جسے پورا نیٹو اتحاد اسلحہ اور حمایت فراہم کر رہا ہے، تاہم اس کے باوجود روسی فوجی آگے بڑھ رہے ہیں۔
پیوٹن نے روسی انجینئرز، سائنسدانوں، کارکنوں اور دفاعی صنعت سے وابستہ ماہرین کو بھی خراجِ تحسین پیش کرتے ہوئے کہا کہ وہ جدید جنگی تجربات کی بنیاد پر جدید اور منفرد ہتھیار تیار کر رہے ہیں۔ روسی صدر نے کہا کہ مجھے پورا یقین ہے کہ ہمارا مقصد حق پر مبنی ہے، ہم متحد ہیں، اور فتح ہمیشہ ہماری تھی، ہماری ہے اور ہماری ہی رہے گی۔

پیٹرول اور ڈیزل کی نئی قیمتوں کا اعلان
- 2 دن قبل

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 دن قبل

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 دن قبل

پاکستان میں فی تولہ سونا ہزاروں روپے سستا ہوگیا
- ایک دن قبل

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 دن قبل

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 دن قبل

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 دن قبل

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- ایک دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 دن قبل

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- ایک دن قبل

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- ایک دن قبل







