چینی سائنسدانوں کا ڈیلٹا وائرس سے متعلق بڑا دعوی

غیر ملکی خبر رساں ادارے کی رپورٹ میں کہا گیا ہے کہ  چین میں جو  کورونا  ویکسین دی جا رہی ہے وہ بھارتی کوروناوائرس کی ڈیلٹا قسم کو روکنے   کیلئے موثر ثابت ہو رہی ہے۔

مزید پڑھیں : عامر لیاقت اور ٹریفک پولیس کے درمیان تلخ کلامی ، ویڈیو وائرل

چین کے سی ڈی سی کے  محقق شاؤ ئی مِنگ کا کہنا ہے کہ   کوئی بھی ویکسین متعدی امراض کیخلاف سو فیصد تحفظ فراہم نہیں کرسکتی  لیکن  دستیاب ویکسینز سے اب بھی کورونا کی مختلف اقسام پر قابو پایا جا سکتا ہے۔ہمیں  تحقیق پتا چلا ہے کہ  چین کی مقامی  کورونا  وائرس ویکسینز  شدید کیسز اور اموات کی شرح فعال طور پر کم کرتی ہے۔

سی ڈی سی  کے ایک اورمحقق فینگ زی جیان  نے کہا ہے کہ  دستیاب نتائج کے مطابق بھارتی  کورونا وائرس  کی قسم ڈیلٹا ویکسینز سے تحفظ کو کم کر سکتی ہے لیکن موجودہ ویکسین اس وقت بھی   حفاظتی اثرات پیدا کررہی ہے۔انہوں نے کہا کہ

کورونا کی ڈیلٹا قسم  پہلی قسم کے وائرس سے تقریباً دوگنا زیادہ قابل انتقال ہے جو بہت تیزی سے پھیلتی ہے جس کے باعث  مریضوں میں شدید علامات پیدا  ہونے کا امکان زیادہ ہے۔