لاہور : نئی فلم میرا لیاری کی اسکریننگ تقریب کا انعقاد ،فلم کی کاسٹ اور دیگر شوبز شخصیات کی بھرپور شرکت

لاہورکے نجی سیمنا میں نئی فلم ’میرا لیاری‘ کی اسکریننگ تقریب کا انعقاد کیا گیا جس میں فلم کی کاسٹ اور دیگر شوبز شخصیات شریک ہوئیں۔

فلم کی کہانی باہمت خواتین کی آگے بڑھنے کی جدوجہد پر مبنی ہے،جس میں آگے بڑھنے کی لگن، معاشرتی رکاوٹیں اور مقابلے کو دکھایا گیا ہے، یہ کہانی ہے میرا لیاری کی جس میں خواتین کی محنت اور لگن کو اجاگر کیا گیا۔جبکہ شوبز اور دیگر شخصیات کی جانب سے اداکارہ دنانیر مبین کی اداکاری کو خوب سراہا گیا۔

اس موقع پر میڈیا سے گفتگو کرتے ہوئے اداکارہ دنانیر مبین اور سمیعہ ممتاز کا کہنا تھا کہ فلم کے ذریعے خواتین کی ہمت کو اجاگر کیا گیا،جبکہ اداکار نیئر اعجاز اور فلم ڈائریکٹر ابوعلیحہ نے کہا کہ فلم کے ذریعے دکھایا گیا کہ ملک میں ٹیلنٹ کی کمی نہیں۔

خیال رہے کہ فلم ’میرا لیاری‘ کی نمایاں کاسٹ میں اداکارہ دنانیر مبین، عائشہ عمر، نیئر اعجاز، سمیعہ ممتاز ٹیپو شریف اور دیگر شامل ہیں