محسن نقوی کی عباس عراقچی سےدوسری مرتبہ ملاقات، جنگ کے خاتمے کیلئے مسودے پر تبادلہ خیال

تہران:وفاقی وزیر داخلہ محسن نقوی نےایک ہفتے کے دوران دوسری مرتبہ ایرانی وزیر خارجہ عباس عراقچی سے ملاقات کی۔

ایرانی خبر ایجنسی کے مطابق محسن نقوی نے ایرانی وزیر خارجہ سے ایران امریکا جنگ کے خاتمے کے لیے مسودوں پر تفصیلی بات چیت کی۔ دونوں رہنماؤں نے قیام امن کے طریقہ کار پر غور کیا۔

دوسری جانب سفارتی ذرائع کا کہنا ہے کہ محسن نقوی آج بھی تہران میں ہی قیام کریں گے،جبکہ عرب میڈیا کے مطابق ایران اور امریکا ممکنہ جنگ بندی معاہدے کے قریب پہنچ گئے ہیں۔ معاہدے کیلئے دونوں ممالک مجوزہ دستاویزات کا کا تبادلہ کر رہے ہیں۔