صدر ٹرمپ کی امن کوششوں کو سراہتے ہیں،مذاکرات کا اگلا دور جلد پاکستان میں ہوگا،شہبازشریف

ہانگژو: وزیراعظم شہباز شریف نے امید ظاہر کی ہے کہ ایران اور امریکا کے درمیان مذاکرات کا اگلادورجلد پاکستان کی میزبانی میں ہوگا۔

تفصیلات کے مطابق سوشل میڈیا پر جاری بیان میں وزیراعظم شہاز شریف نے کہا کہ پاکستان خطے میں امن کیلئے اپنی کوششیں جاری رکھے گا، امید ہے کہ ایران امریکا مذاکرات کا اگلادور جلد پاکستان کی میزبانی میں ہوگا۔

وزیراعظم نے کہا کہ امریکی صدر ٹرمپ کا شہباز شریف سعودیہ، قطر، ترکیہ، مصر، یو اے ای، اردن اور پاکستان کے رہنماؤں سے رابطہ مفید رہا، فیلڈ مارشل عاصم منیر نے ٹیلیفونک رابطے میں پاکستان کی نمائندگی کی، اس پورے عمل میں فیلڈ مارشل کی انتھک کوششوں کو سراہتا ہوں۔

جاری بیان میں وزیراعظم کا کہنا تھا کہ امریکی صدرڈونلڈ ٹرمپ کی امن کوششوں کو سراہتے ہیں، خطے میں امن کیلئے امریکی صدرنے اسلامی ممالک کے رہنماؤں سے فون پربات کی۔

انہوں نے مزید کہا کہ فیلڈمارشل عاصم منیر نے ٹرمپ کے ساتھ گفتگو میں پاکستان کی نمائندگی کی، فیلڈ مارشل عاصم منیر کی کوششیں قابلِ قدر ہیں۔

خیال رہے کہ امریکی صدر ڈونلڈ ٹرمپ نے اپنے حالیہ بیان میں کہا کہ ایران کے ساتھ زیادہ تر معاملات طے کر لیے ہیں، ڈیل کا اعلان جلد متوقع ہے۔