ایران کیساتھ مذاکرات اچھے انداز میں چل رہے ہیں اور ہم معاہدے پر دستخط کے قریب ہیں،ٹرمپ

واشنگٹن ڈی سی:امریکی صدر ڈونلڈ ٹرمپ نے کہا ہے کہ ایران کیساتھ مذاکرات اچھے انداز میں چل رہے ہیں اور ہم معاہدے پر دستخط کے قریب ہیں۔

تفصیلات کے مطابق وائٹ ہاؤس میں صحافیوں سے گفتگو کرتے ہوئے صدر ٹرمپ نے کہا کہ خطے کی صورتحال پیچیدہ ہے لیکن اس کے باوجود امریکہ اور ایران کے درمیان بات چیت حوصلہ افزا انداز میں جاری ہے۔

صحافیوں سے گفتگو میں صدر ٹرمپ نے کہا کہ ان کی خواہش ہے کہ مسئلہ جنگ کے بجائے سفارت کاری کے ذریعے حل ہو اوررواں ہفتے کے آخر تک ایران کیساتھ مذاکرات میں اچھی پیش رفت متوقع ہے۔

امریکی صدر نے واضح کیا کہ مذاکرات کا بنیادی نکتہ ایران کا یہ وعدہ ہے کہ وہ کبھی بھی جوہری ہتھیار حاصل نہیں کرے گا ۔ انہوں نے کہا کہ بمباری سے زیادہ آبنائے ہرمز کی ناکہ بندی موثر رہی۔معاہدہ ہو گیا تو آبنائے ہرمز بھی کھل جا ئیگی۔

دوران گفتگو انہوں نے مزید کہا کہ لبنان سے متعلق سوال کا جواب دیتے ہوئے صدر ٹرمپ نے کہا کہ حزب اللہ اور اسرائیل نے ایک دوسرے پر حملے نہ کرنے کی یقین دہانی کرائی ہے ۔