تین روز کی مسلسل کمی کے بعد سوناآج پھر مہنگا، فی تولہ کتنے کا ہو گیا؟

کراچی: تین روز کی مسلسل کمی کے بعد عالمی ومقامی مارکیٹوں میں سونے کی قیمتوں میںآج پھرنمایاں اضافہ ریکارڈ کیا گیا۔

 

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے دوسرے روز مقامی مارکیٹوں میں 24 گرام فی تو لہ سونے کی قیمت

میں 2830روپے کااضافہ ہوا ہے جس کے بعد سونے کی نئی قیمت بڑھ کر 4لاکھ 55ہزار 63روپے ہو گئی ہے۔

 

ایسوسی ایشن کے مطابق اسی طرح 10 گرام سونے کی قیمت میں بھی 2306روپے کا اضافہ ہوا ہے جس کے بعد دس گرام سونے کی قیمت بڑھ کر 3لاکھ 89 ہزار 534روپے کی سطح پر آگئی۔

 

علاوہ ازاں ملک میں فی تولہ چاندی کی قیمت بھی 141 روپے کے اضافے سے 7ہزار 314 روپے اور فی 10 گرام چاندی کی قیمت بھی 129روپے کے اضافے سے 6ہزار 245روپے کی سطح پر آگئی۔

 

دوسری جانب عالمی بلین مارکیٹ میں آج فی اونس سونے کی قیمت 28ڈالر 29سینٹس کے اضافے سے 4ہزار 326ڈالر 27سینٹس کی سطح پر آگئی ۔

خیال رہے کہ ہفتے اور پیر کے روز سونے کی قیمتوں میں مسلسل کمی ریکارڈ ہوئی تھی