آسام میں بھارتی فضائیہ کا ایک او ر جنگی طیارہ گر کر تباہ،ائیر فورس کی تصدیق

جورہاٹ: جنگی جنون میں مبتلا ہندوتواسرکاری مودی کی  حکومت میں بھارتی فضائیہ کا ایک اور جنگی طیارہ کر گرہ تباہ ہو گیا ،جس کی ائیر فورس حکام کی جانب سے تصدیق کر دی گئی ہے۔

بھارتی میڈیا رپورٹس کے مطابق یہ واقعہ شمال مشرقی ریاست آسام کے شہر جورہاٹ میں پیش آیا جہاں ہفتے کی صبح بھارتی فضائیہ کا ایک اے این-32 ٹرانسپورٹ طیارہ لینڈنگ کے دوران ایئر فورس اسٹیشن کے احاطے میں گر کر تباہ ہو گیا، جس کے بعد طیارے میں شدید آگ بھڑک اٹھی۔

 رپورٹس کے مطابق یہ حادثہ اُس وقت پیش آیا جب اے این-32 اینٹونوو طیارہ لینڈنگ کے دوران ایئر فورس اسٹیشن کے اندر ہی گر گیا،جس کے فوراً بعد طیارے میں آگ لگ گئی۔جبکہ واقعے کے بعد امدادی اور ہنگامی ٹیمیں فوری طور پر جائے حادثہ پر پہنچ گئیں اور آگ بجھانے اور صورتحال کا جائزہ لینے کا عمل شروع کر دیا گیا۔

میڈیا رپورٹس کے مطابق تاحال حادثے کی اصل وجہ معلوم نہیں ہو سکی ہے جبکہ کسی بھی جانی یا مالی نقصان سے متعلق تفصیلات بھی سامنے نہیں آئیں۔

دوسری جانب بھارتی فضائیہ نے واقعے کی تصدیق کرتے ہوئے کہا ہے کہ صورت حال کے مکمل جائزے کے بعد مزید معلومات فراہم کی جائیں گی۔ فضائیہ کے مطابق حادثے کی تحقیقات بھی شروع کر دی گئی ہیں۔

واضح رہے کہ بھارتی ائیرفورس میں طیارہ حادثہ کا یہ پہلا واقعہ نہیں اس سے پہلے بھی سینکڑوں طیارے حادثے کا شکار ہو چکے ہیں جس میں درجنوں پائلٹس اپنی جانیں گنوا چکے ہیں۔