اسٹیٹ بینک نے نئی مانیٹری پالیسی کا اعلان کر دیا، نئی شرح سود کیا ہو گئی؟

کراچی : اسٹیٹ بینک نے مانیٹری پالیسی کا اعلان کردیا
تفصیلات کے مطابق اسٹیٹ بینک نے شرحِ سود میں کوئی تبدیلی نہ کرنے کا باقاعدہ اعلان اپنی آفیشل ویب سائٹ پر جاری کیا۔ بینک کا کہنا تھا کہ مانیٹری پالیسی کمیٹی نے 15 جون یعنی آج معقد ہونے والی ایک میٹنگ میں پالیسی ریٹ برقرار رکھنے کا فیصلہ کیا ہے۔

اسٹیٹ بینک کی جانب سے نئی مانیٹری پالیسی کا اعلان معاشی اعدادوشمار کا جائزہ لینے کے بعد کیا گیا۔واضح رہے کہ اسٹیٹ بینک کی جانب سے گزشتہ مانیٹری پالیسی کے اعلان پر بھی شرح سود کو برقرار رکھا گیا تھا۔

معاشی ماہرین کے مطابق مرکزی بینک کی جانب سے پالیسی ریٹ کو موجودہ سطح پر برقرار رکھنے کا یہ فیصلہ امریکا اور ایران کے درمیان ہونے والے تاریخی امن معاہدے کے چند گھنٹوں بعد سامنے آیا ہے جس کے بعد یہ توقعات واضع طور پر بڑھ گئی ہیں کہ اس سفارتی پیش رفت سے پاکستان کے بیرونی کھاتوں پر دباؤ میں نمایاں کمی آئے گی اور عالمی مارکیٹ میں توانائی خصوصاً خام تیل کی قیمتیں نیچے آنے سے ملکی معیشت کو بڑا ریلیف ملے گا۔