پاکستان کی مایہ ناز اداکارہ شمیم آرا کو گزرے 5برس بیت گئے

پاکستان فلم انڈسٹری  کی معروف اداکارہ اورہدایتکارہ شمیم  آرا 1938میں علی گڑھ بھارت میں پیدا ہوئیں ، انہوں نے 60ءکی دہائی میں فلمی دنیا میں قدم رکھا ۔شمیم آراءکی پہلی فلم کنواری بیوہ زیادہ ہٹ نہ ہوسکی لیکن ان کی اداکاری کو بے حد پسند کیا گیا اس کے بعد یکے بعد دیگرے فلم قیدی، نائلہ صاعقہ، لاکھوں میں ایک، ہم راز اور دیوداس جیسی فلموں نے انہیں شہرت کی بلندیوں پر پہنچا دیا۔شمیم آراءکو پاکستا نی فلم انڈسری کی پہلی خاتون ہدایتکارہ ہونے کا اعزاز بھی حاصل ہے ۔

 انہوں نے اپنی پہلی فلم " صاعقہ " 1968 میں پروڈیوس کی جو کہ رضیہ بٹ کے ناول سے ماخوذ تھی اس فلم کوادبی اور عوامی حلقوں میں بے حد پذیرائی ملی۔ 1989 میں آنے والی پنجابی فلم ’تیس مار خان‘ شمیم آرا کی بطورِ اداکارہ آخری فلم ثابت ہوئی، جس کے بعد انھوں نے ہدایت کاری کے میدان میں قسمت آزمائی ۔

فلم پلے بوائے، مس ہانگ کانگ، مس سنگا پور، مس کولمبو، ہاتھی میرے ساتھی، ہم تو چلے سسرال ان کی بہترین ہدایتکارانہ صلاحتیوں کا منہ بولتا ثبوت ہیں۔شمیم آرا نے بہت سے ایوارڈز اپنے نام کئے جن میں چار نگارایوارڈ بھی شامل ہیں معروف اداکارہ و ہدایتکارہ شمیم آرا طویل علالت کے بعد 5 اگست 2016 کو  78 برس کی عمر میں لندن میں خالق حقیقی سے جاملیں ۔